Wir veröffentlichen gerne auch Ihre Lieder. Schicken Sie einfach Ihr mp3 an
office(at)weihnachten.at
 Lied anhören
(Gesungen von Christine Schwebach)
Dahoam is am schönsten
Oft gnua hats mi fortzogn
in a ganz andre Welt.
Iazt is ma bewusst wordn
dass mir dort was fehlt.
Dahoam is am schönsten
dahoam bin i gern
des gspiar i am meisten
wenn i mi entfern.
Dahoam is am schönsten
dahoam bin i gern.
I gfrei mi am meisten
aufs Wiederhoamkehrn.
Was i brauch für mei Lebn
ja des is alles da.
Und ganz bestimmt net zweng
es geht mir nix o.
Dahoam gibts oiwei wen
der mi kennt, den i mag.
Der mir dann a zuahorcht,
wann i eam was sag.
.Dahoam is am schönsten
dahoam bin i gern
des gspiar i am meisten
wenn i mi entfern.
Dahoam is am schönsten
dahoam bin i gern.
I gfrei mi am meisten
aufs Wiederhoamkehrn.
Da san meine Platzerl
wo i halt so gern bin.
zum Rasten und Wohlfühln
nur da ghör i hin.
A jeder, der hoamfindt
der woaß schau, was i moa.
Dahoam is am schönsten
da bist nia alloa.
Dahoam is am schönsten
dahoam bin i gern
des gspiar i am meisten
wenn i mi entfern.
Dahoam is am schönsten
dahoam bin i gern.
I gfrei mi am meisten
aufs Wiederhoamkehrn.
Christine Schwebach, 6. September 2008
|
Lied anhören
(Gesungen von Christine Schwebach)
Weihnachten gspiast schau
Die Tag san so kurz
es is finster, es schneit.
Und Weihnachten kimmt
es is gar nimma weit.
Weihnachten gspiast schau
und kaunst a schau sehn.
Da san so vü Liachta
es is wunderschen.
Nimm dir a weng Zeit
laß di vo neamt beirrn.
Dann wirst du den Frieden
für die nia verlian.
A Stern wird dir leichtn
so wias damals war.
Und dein Weg begleiten
des ganz nächste Jahr.
Weihnachten gspiast schau
und kaunst a schau sehn.
Da san so vü Liachta
es is wunderschen.
Waunn du in deim Herz
hast a Liachtl auzent.
Daunn bleibt des bei dir
und es leicht und es brennt.
Gefühle zu Weihnacht
sand`s schönste Geschenk.
Da gfreit si a jeder
weil du an eam denkst.
Weihnachten gspiast schau
und kaunst a schau sehn.
Da san so vü Liachta
es is wunderschen.
Weihnachten gspiast schau
und kaunst a schau sehn.
Da san so vü Liachta
es is wunderschen.
Christine Schwebach, geschrieben am 13. August 2008
|
<< zurück
|
|
